Toqaev pen Pýtın Ombyda ál-Farabı atyndaǵy QazUÝ fılıalyn ashýǵa ruqsat berdi
ASTANA. KAZINFORM – Bashqurtstanda ótip jatqan kezekti óńiraralyq yntymaqtastyq forýmǵa onlaın-rejımde qatysqan Qazaqstan men Reseı prezıdentteri Ombyda ál-Farabı atyndaǵy Qazaq ulttyq ýnıversıtetiniń fılıalyn ashýǵa ruqsat berdi.
Ǵylym jáne joǵary bilim mınıstrliginiń málimeti boıynsha, joǵary oqý ornynyń fılıaly talapkerlerdi 2025 jyldyń qyrkúıeginen bastap qabyldaıdy. Qazaqstan men Reseı Úkimeti stýdentterdi oqytý úshin 200 bilim berý grantyn bólýdi qarastyrǵan.
Munda «Halyqaralyq quqyq», «Qazaq fılologııasy» jáne «Keden isi» sııaqty bilim berý baǵdarlamalary boıynsha bakalavrlar men magıstranttardy daıarlaıdy. Bolashaqta qos dıplomdy bilim berý baǵdarlamasy júzege asyrylmaq.
Dárister qazaq, orys, aǵylshyn tilderinde júrgiziledi dep josparlanǵan.
Sondaı-aq, sheteldik ǵalymdardy da bilim berý protsesine tartý kózdelip otyr.