Toqaev pen Pýtın keńeıtilgen quramda kelissóz júrgizdi
MÁSKEÝ. KAZINFORM — Qasym-Jomart Toqaev pen Vladımır Pýtın eki el delegatsııalarynyń qatysýymen keńeıtilgen quramda kelissóz júrgizgeni habarlandy. Bul týraly Aqordanyń baspasóz qyzmeti málim etti.
— Kezdesý barysynda saıası, saýda-ekonomıkalyq, ınvestıtsııalyq jáne gýmanıtarlyq yqpaldastyqtyń keń kólemdi máseleleri qarastyryldy, — delingen habarlamada.
Budan buryn habarlanǵandaı, Kremlde Qasym-Jomart Toqaevty resmı qarsy alý rásimi ótti.
Keıinnen Qasym-Jomart Toqaev pen Vladımır Pýtınniń kelissózi bastalǵany belgili boldy.
Aıta keteıik, keshe Memleket basshysy Qasym-Jomart Toqaev Reseı Prezıdenti Vladımır Pýtınniń shaqyrýymen Máskeýge memlekettik saparmen bardy.
Prezıdent Máskeýdegi halyqaralyq qatynastar ınstıtýtynyń stýdentterimen áńgimelesti.
Keıinnen Kremlde Qasym-Jomart Toqaev pen Vladımır Pýtınniń beıresmı kezdesýi ótti.