Toqaev pen Pýtın kelissózi: tatý kórshiliktiń jeti negizi jóninde, AES-ke qatysty qujattarǵa qol qoıyldy
ASTANA. KAZINFORM – Búgin elordada Memleket basshysy Qasym-Jomart Toqaev pen Reseı Prezıdenti Vladımır Pýtın «Qazaqstan men Reseı halyqtarynyń dostyǵy men tatý kórshiliginiń jeti negizi týraly» birlesken málimdemege qol qoıdy.
Sonymen qatar el el prezıdentteriniń qatysýmen ótken kelissózden keıin, Qazaqstan Respýblıkasynyń Atom energııasy jónindegi agenttigi men reseılik «Rosatom» arasynda Qazaqstan aýmaǵynda atom elektr stantsııasyn salý jobasy boıynsha yntymaqtastyqtyń negizgi qaǵıdattary men sharttary týraly, sondaı-aq onyń qurylysyn qarjylandyrý úshin memlekettik eksporttyq nesıe berý týraly úkimetaralyq kelisimdermen almasty.
QR Oqý-aǵartý mınıstrligi men RF Oqý-aǵartý mınıstrligi arasynda elimizde «Qazaqstan-Sırıýs» halyqaralyq jalpy bilim berý mektebi men daryndy balalarmen jáne jastarmen jumys isteý ortalyǵyn qurý týraly, sondaı-aq onyń qyzmeti jóninde úkimetaralyq kelisimmen almasty.
Munymen qosa eki energetıka mınıstrlikteri arasynda munaı salasyndaǵy yntymaqtastyqty keńeıtý týraly úkimetaralyq kelisimdi bekitti.
QR Ǵylym jáne joǵary bilim mınıstrligi men RF Joǵary bilim mınıstrligi Reseı azamattarynyń Ál-Farabı atyndaǵy QazUÝ-diń Omby qalasyndaǵy fılıalynda oqý shyǵyndaryn qarjylandyrý týraly vedomstvoaralyq kelisimmen almasty.
Budan bólek, QR Ulttyq banki men RF Ortalyq banki arasynda alaıaqtyq operatsııalarǵa qarsy is-qımyl máselesi jónindegi memorandýmdy bekitti.
QR Kólik mınıstrligi men RF Kólik mınıstrlikteri arasynda kóliktegi tsıfrlandyrýdy damytý salasyndaǵy vedomstvoaralyq yntymaqtastyq jónindegi is-sharalar josparyna qol qoıdy.
QR Atom energııasy jónindegi agenttigi men Ekologııalyq, tehnologııalyq jáne atomdyq qadaǵalaý jónindegi federaldyq qyzmeti arasynda 2026-2030 jyldarǵa arnalǵan ıadrolyq jáne radıatsııalyq qaýipsizdikti retteý salasyndaǵy vedomstvoaralyq yntymaqtastyq jónindegi is-sharalar josparymen almasty.
QR Densaýlyq mınıstrligi men RF Tutynýshylar quqyqtaryn qorǵaý federaldyq qyzmeti vedomstvoaralyq yntymaqtastyq boıynsha praktıkalyq is-sharalar josparymen almasty.
Al «Qazaqstan temir joly» ulttyq kompanııasy men «Reseı temir joldary» AAQ júk tasymalyn tsıfrlandyrýdy damytý jónindegi birlesken is-qımyl josparyn bekitti.
Buǵan deıin habarlanǵandaı, Memleket basshysy Qasym-Jomart Toqaevtyń elimizge memlekettik saparmen kelgen Reseı Prezıdenti Vladımır Pýtındi Táýelsizdik saraıynda resmı qarsy alý rásimi ótti.
