Qazaqstan jáne Iran basshylary bir-birin Qurban aıtpen quttyqtady

ASTANA. KAZINFORM — Memleket basshysy Iran Prezıdentimen telefon arqyly sóılesti, dep habarlaıdy Aqordanyń baspasóz qyzmeti.

Prezıdentter birin-biri barsha musylman qaýymy úshin qasıetti Qurban aıt meıramymen quttyqtady.

— Qasym-Jomart Toqaev pen Masýd Pezeshkıan eki eldiń dostyqqa, tatý kórshilikke negizdelgen qarym-qatynasy qarqyndy damyp kele jatqanyn atap ótti. Áńgimelesý barysynda saýda-ekonomıkalyq jáne ınvestıtsııalyq yntymaqtastyqty keńeıtýdiń perspektıvasy qarastyryldy, — delingen habarlamada.

Sonymen qatar, taraptar aldaǵy kezdesýlerdiń kestesin talqylady. 

Osyǵan deıin Memleket basshysy Ulttyq qaýipsizdik komıtetiniń basshylyq quramymen jıyn ótkizgenin jazdyq.