Toqaev pen Erdoǵan Qazaqstan men Túrkııa seriktestigin nyǵaıtýǵa nıetti
ASTANA. KAZINFORM — Qasym-Jomart Toqaev pen Rejep Taııp Erdoǵan kelissóz júrgizdi. Bul týraly Aqordanyń baspasóz qyzmeti málim etti.
Memleket basshysy qonaqjaılyq tanytqany úshin Túrkııa Prezıdentine alǵys aıtyp, áriptesi men barsha túrik halqyn ulttyq mereke — Respýblıka kúnimen quttyqtady.
Óz kezeginde Rejep Taııp Erdoǵan eki el arasyndaǵy san qyrly yntymaqtastyqty odan ári tereńdete túsýge nıetti ekenin rastady.
Memleketter basshylary máńgi dostyq pen keńeıtilgen strategııalyq seriktestik rýhyndaǵy ekijaqty qarym-qatynastyń qarqyndy damyp kele jatqanyn atap ótti.
Áńgimelesý barysynda saýda-ekonomıkalyq, ınvestıtsııalyq jáne mádenı-gýmanıtarlyq yqpaldastyqty nyǵaıtý perspektıvasyna aıryqsha nazar aýdaryldy.
Sondaı-aq prezıdentter óńirlik jáne halyqaralyq kún tártibindegi ózekti máseleler jóninde pikir almasty.
