Toqaev pen ІІ Abdalla kelissózi: Úkimetaralyq jáne kommertsııalyq kelisimderge qol qoıyldy
ASTANA. KAZINFORM — Qazaqstan men Iordanııa arasynda birqatar mańyzdy qujattar qabyldandy, dep habarlaıdy Aqordanyń baspasóz qyzmeti.
— Memleket basshysy Qasym-Jomart Toqaev pen Iordanııa Koroli ІІ Abdalla ben ál-Hýseın júrgizgen kelissózderden keıin eki el delegatsııalarynyń músheleri qol qoıylǵan úkimetaralyq jáne kommertsııalyq qujattarmen almasty, — delingen habarlamada.
Aıta keteıik, Qasym-Jomart Toqaev Aqordada Iordanııa Korolin qarsy aldy.
Prezıdent Qazaqstan Iordanııamen ózara tıimdi seriktestikti ilgeriletýge aıryqsha mán beretinin aıtty.
Óz kezeginde Iordanııa Koroli Qazaqstannyń beıbitshilik pen turaqtylyqty ilgeriletý jolyndaǵy rólin joǵary baǵalaıtynyn atap ótti.
Memleket basshysy Toqaev pen Korol ІІ Abdalla shaǵyn quramda kelissóz júrgizdi.
Osyǵan deıin Iordanııa Koroli ІІ Abdalla Prezıdent Qasym-Jomart Toqaevqa Iordan Hashımıt Koroldiginiń «Ál-Nahda» joǵary ordenin tapsyrdy.