Toqaev Parlament saılaýy týraly: Barlyq saıası partııalardyń daıyndalýyna ýaqyt jetkilikti

NUR-CULTAN. QazAqparat – Aldaǵy saılaý konstıtýtsııalyq merzimge sáıkes, 2021 jyldyń 10 qańtarynda ótedi. Barlyq saıası partııalardyń bul saılaý naýqanyna qatysýǵa daıyndalýyna, saılaý aldyndaǵy platformasyn ázirleýine, partııalyq ınfraqurylymdardy jetildirýine ýaqyty jetkilikti boldy. Bul týraly QR Prezıdenti Qasym-Jomart Toqaevtyń Májilis jáne máslıhat depýtattarynyń saılaýy týraly úndeýinde aıtylǵan, dep habarlaıdy QazAqparat.

«Búgin men Parlament Májilisi depýtattarynyń saılaýyn taǵaıyndaý týraly Jarlyqqa qol qoıdym. Ortalyq saılaý komıssııasynyń qaýlysymen barlyq deńgeıdegi máslıhat depýtattarynyń saılaýy taǵaıyndaldy. Aldaǵy saılaý konstıtýtsııalyq merzimge sáıkes, 2021 jyldyń 10 qańtarynda ótedi. Barlyq saıası partııalardyń bul saılaý naýqanyna qatysýǵa daıyndalýyna, saılaý aldyndaǵy platformasyn ázirleýine, partııalyq ınfraqurylymdardy jetildirýine ýaqyty jetkilikti boldy. Ortalyq saılaý komıssııasy men Bas prokýratýra saılaýdyń zańdylyǵyn, ashyqtyǵyn jáne ádildigin saqtaý úshin turaqty baqylaý júrgizip otyrady. Jańa saılaý naýqanyna deıin saıası jańǵyrý, kóppartııalyqty damytý jáne elimizdiń qoǵamdyq-saıası ómirine azamattardyń qatysý aıasyn keńeıtý jóninde sharalar qabyldandy», - dedi Memleket basshysy úndeýinde.