Toqaev óziniń ekinshi Joldaýynda qandaı másele qamtylatynyn aıtty

NUR-SULTAN. QazAqparat – QR Prezıdenti Qasym-Jomart Toqaev óziniń ekinshi Joldaýynda ekonomıkalyq serpinge bastaıtyn jańa sharalardy usynatynyn málim etti, dep habarlaıdy QazAqparat.

«Búgin biz pandemııa kezinde ekonomıkamyzdy damý jolyna shyǵaratyn mańyzdy ári osy kezeń úshin shuǵyl máselelerdi qarastyrdyq. Degenmen, ózimniń ekinshi Joldaýymda ekonomıkalyq serpinge bastaıtyn jańa sharalardy usynatyn bolamyn», - dedi Memleket basshysy Úkimettiń keńeıtilgen otyrysynda.

Sonymen birge, Prezıdent qazirgi daǵdarystyń shıkizattyq sıpatta ekonomıkamyzǵa qaýipti ekenin jáne onyń barlyq atrıbýttary kórsetilgen jańa baǵyt kerektigin aıtty.

Eske sala ketsek, Qasym-Jomart Toqaevtyń tóraǵalyǵymen Úkimettiń keńeıtilgen otyrysy beınebaılanys júıesi arqyly ótti.

Jıynda Úkimet 2020 jyldyń alǵashqy jarty jyldyǵyndaǵy elimizdiń áleýmettik-ekonomıkalyq damý qorytyndysy týraly esep berdi. Sondaı-aq koronavırýsqa qarsy kúreske qatysty qabyldanǵan sharalar, Memleket basshysynyń Úkimettiń aldaǵy ýaqytta atqaratyn jumysynyń negizgi baǵyttary boıynsha bergen tapsyrmalary men mindetteri qarastyryldy.