Toqaev Ortalyq Azııa elderine kólik logıstıkasyndaǵy tarıf saıasatyn ońtaılandyrýdy usyndy

NUR-SULTAN. QazAqparat – Memleket basshysy Qasym-Jomart Toqaev kólik logıstıkasyndaǵy tarıf saıasatyn ońtaılandyrýdy usyndy, dep habarlaıdy QazAqparat tilshisi.

«Bul saladaǵy áreketterimizdi úılestirip otyrý arqyly kólik-logıstıkalyq jobalarymyzdyń tıimdiligin arttyrar edik. Sondyqtan úkimetterimiz tarıf saıasatyn ońtaılandyrý jáne ákimshilik protsedýralardy ońaılatý baǵytynda ózara tyǵyz jumys isteýi kerek», - dedi Qasym-Jomart Toqaev Ortalyq Azııa memleketteri basshylarynyń IV Konsýltatıvtik kezdesýinde.

Prezıdenttiń paıymynsha, aımaq elderiniń ambıtsııasy Ortalyq Azııany qurlyqtaǵy kópir jáne shıkizat jetkizýshi retinde tanytýmen shektelmeýi qajet.

«Іrgetasy ornyqqan ekonomıkalyq model qurý aýqymdy ındýstrıalandyrýdy jáne ekonomıkanyń p e rspektıvaly salalarynda árdaıym aldyńǵy qatarda júrýdi talap etedi», - dedi Memleket basshysy.

Aıta keteıik, Qyrǵyz Respýblıkasynyń Sholpan-Ata qalasynda Ortalyq Azııa memleketteri basshylarynyń IV Konsýltatıvtik kezdesýi ótip jatyr.

Jıynǵa Qazaqstan, Qyrǵyzstan, Tájikstan, Túrikmenstan, Ózbekstan kóshbasshylary qatysýda.

Buǵan deıin Qazaqstan Prezıdenti Qasym-Jomart Toqaevtyń Qyrǵyzstannyń Sholpan-Ata qalasyna barǵanyn jazǵan bolatynbyz.