Toqaev: Orta dálizdiń tsıfrlyq jobasy yntymaqtastyqqa tyń serpin beredi
BAKÝ. KAZINFORM — Qasym-Jomart Toqaev Transkaspıı talshyqty-optıkalyq baılanys jelisi jobasyn iske qosý rásiminde atalǵan jeli Qazaqstan men Ázerbaıjannyń Orta dálizdi damytý boıynsha birlesken kúsh-jigerine tyń serpin beretinin aıtty, dep habarlaıdy Aqordanyń baspasóz qyzmeti
— Biz halyqaralyq mańyzy zor biregeı jobany iske qostyq. Eń bastysy, bul — jańa zamannyń dálizi. ıAǵnı kólik dálizi ǵana emes, múldem jańa dáýirge, tsıfrlandyrý kezeńine tıesili jańalyq. Bul yntymaqtastyqtyń túbegeıli sony formaty, Orta dálizdiń tsıfrlyq túriniń júzege asyrylýy desek bolady, — dedi Qazaqstan Prezıdenti.
Ilham Álıev TOBJ-ny iske qosý arqyly Ortalyq Azııa men Ázerbaıjan arasyndaǵy yqpaldastyqty nyǵaıtýǵa taǵy bir qadam jasalǵanyn atap ótti.
— Byltyr Ázerbaıjan Ortalyq Azııa memleketteri basshylarynyń Konsýltatıvtik kezdesýine tolyq múshe retinde qabyldandy, bıyl men osy uıymǵa tolyq múshe retinde qatystym. Atalǵan joba yntymaqtastyqty tereńdetýge qosylǵan kezekti úles boldy. ıAǵnı bul jelini Ortalyq Azııa elderi de, Ońtústik Kavkaz jurty da, odan tysqary elder de paıdalanady. Osylaısha, búgin jahandyq jobany iske qostyq, — dedi Ázerbaıjan Prezıdenti.
Ashylý saltanatynda Premer-mınıstrdiń orynbasary — Jasandy ıntellekt jáne tsıfrlyq damý mınıstri Jaslan Mádıev, Ázerbaıjannyń tsıfrlyq damý jáne kólik mınıstri Rashad Nabıev jáne «Qazaqtelekom» AQ basqarma tóraǵasy Baǵdat Mýsın sóz sóıledi.
Budan buryn Toqaev pen Álıev Transkaspıı talshyqty-optıkalyq baılanys jelisin iske qosý rásimine qatysqanyn jazǵanbyz.
