Toqaev OPEK halyqaralyq damý qorynyń prezıdenti Abdýlhamıd ál-Halıfany qabyldady

ASTANA. KAZINFORM – Memleket basshysy OPEK halyqaralyq damý qorynyń prezıdenti Abdýlhamıd ál-Halıfany qabyldady. Bul týraly Aqordanyń baspasóz qyzmeti habarlady. 

Kezdesý barysynda Qasym-Jomart Toqaev pen Abdýlhamıd ál-Halıfa ózara yqpaldastyq jáne Qazaqstandaǵy ınvestıtsııalyq jobalardy qarjylandyrý boıynsha yntymaqtastyq perspektıvasyn qarastyrdy.

Memleket basshysy elimiz OPEK qorymen seriktestikke strategııalyq turǵydan mán beretinin, sonyń ishinde MENA (Taıaý Shyǵys jáne Soltústik Afrıka) aımaǵymen baılanysty nyǵaıtýdy kózdeıtinin atap ótti.

Foto: Aqorda

Óz kezeginde Abdýlhamıd ál-Halıfa gaz hımııasy, kólik, sý resýrstaryn basqarý jáne densaýlyq saqtaý sııaqty negizgi salalardy qarjylandyrý josparymen bólisti.