Toqaev Iotovany Bolgarııa Prezıdenti laýazymyna saılanýymen quttyqtady

— Saılaýdaǵy jarqyn jeńisińiz — halqyńyzdyń Sizge artqan joǵary senimi men elińizdiń damýyn baıandy etýge baǵyttalǵan ıgi bastamalaryńyzǵa kórsetken qoldaýynyń aıqyn kórinisi ekeni sózsiz, — delingen quttyqtaý hatta.

Qasym-Jomart Toqaev Ilııana Iotovanyń jaýapty qyzmetine sáttilik, al dostas Bolgarııa halqyna qut-bereke tiledi.

Eske salaıyq, buǵan deıin qazirgi memleket basshysy Ilıana Iotova Bolgarııadaǵy prezıdenttik saılaýdyń ekinshi kezeńinde jeńiske jetip, el prezıdenti bolyp saılanǵan alǵashqy áıel atanǵanyn habarlaǵan edik.