Toqaev Nomad Stunts tobynyń jetekshisine er-toqym syılady

ASTANA. QazAqparat - Memleket basshysy Qasym-Jomart Toqaev Nomad Stunts tobynyń jetekshisi, Qazaqstannyń eńbek sińirgen qaıratkeri Jaıdarbek Kúnǵojınovke er-toqym syılady, dep habarlaıdy QazAqparat Aqordaǵa silteme jasap.

«Siz týraly fılmdi kórgenmin. Sondyqtan sizdiń ónerińizdi jaqsy bilemin. Qashan da aman bolyńyzdar», - dedi QR Prezıdenti Jaıdarbek Kúnǵojınovke er-toqym syılaı otyryp.

Buǵan deıin habarlaǵanymyzdaı, Memleket basshysy Nomad Stunts tobynyń ónerin tamashalady.

Kaskaderler aýdaryspaq, qyz qýý, teńge ilý, sadaq atý sııaqty ulttyq oıyn túrleri men kóshpendilerdiń áskerı sherýin kórsetti.
Nomad Stunts tobynyń jetekshisi Jaıdarbek Kúnǵojınov Memleket basshysyna 2020 jyly kaskaderlerge beriletin Taurus World Stunt Awards syılyǵyn jeńip alǵanyn aıtty.