Toqaev muǵalimderdi qaǵazbastylyqtan, attestatsııadan jáne paıdasyz tekseristerden bosatýdy tapsyrdy
ASTANA. KAZINFORM — Prezıdent Qasym-Jomart Toqaev muǵalimderdi qaǵazbastylyqtan, bitpeıtin esepten, artyq attestatsııa talaptary men paıdasyz tekseristerden bosatýdy tapsyrdy. Sondaı-aq pedagogterdi jóndeý jumystaryna jáne oqý protsesine qatysy joq qoǵamdyq is-sharalarǵa tartýǵa da jol bermeý kerektigi aıtyldy.
Prezıdenttiń aıtýynsha, bilim berý bazasyn jańǵyrtý qolǵa alyndy. ıAǵnı búkil memlekettik servıs pen qyzmet biriktiriledi. Muǵalimder ýaqyt alatyn sharýadan arylady.
— Ásirese, sońǵysy óte mańyzdy. Pedagogterdi yǵyr qylatyn qaǵazbastylyqtan, bitpeıtin esepten, attestatsııadan ótý talabynan jáne basqa da paıdasyz tekseristerden bosatý kerek, — dep atap ótti Q. Toqaev.
Degenmen muǵalimderdi jóndeý jumystaryna, oqý protsesine tikeleı qatysy joq túrli qoǵamdyq is-sharalarǵa tartqany týraly jańalyqtar ara-tura shyǵyp jatady.
— Bul jóninde áldeqashan keliskenbiz. Buǵan jol berýge bolmaıdy. Oqý-aǵartý mınıstrligi men ákimdikter basqarmalary, eń aldymen, quqyqtyq-normatıvtik aktiler men salany retteý bazasyn jetildirýmen, oqý protsesin tıimdi uıymdastyrýmen jáne bilim berý baǵdarlamalaryn muqııat saralaýmen aınalysýy qajet, — dedi Memleket basshysy.
Buǵan deıin Qasym-Jomart Toqaev áleýmettik jelide bilim berý salasyna qatysty negizsiz daý-damaı men aıqaı-shýdyń kóbeıgenin synaǵan edi.
Sonymen birge Prezıdent tarıhı ańyzdardyń ornyna progreske baǵyttalǵan pánderdi oqytý qajettigin aıtty.
