Toqaev: Muǵalim mártebesin kóterý úshin qajetti jaǵdaıdyń bárin jasaımyz

ASTANA. KAZINFORM – Barshaǵa jáne árkimge teń múmkindik beretin memleket qurý órshil muratyna qol jetkizýge bolady. Bul týraly elordada ótip jatqan ustazdardyń respýblıkalyq tamyz konferentsııasynda Memleket basshysy Qasym-Jomart Toqaev aıtty.

– Biz barshaǵa jáne árkimge teń múmkindik beretin memleket qurýdy maqsat ettik. Bul órshil muratqa qol jetkizýge ábden bolady. Qazirdiń ózinde Qazaqstan qarqyndy damyp kele jatqan progressıvti memleket sanalady. Óz jastarymyz ǵana emes, túrli elderdiń, sonyń ishinde kórshi memleketterdiń kóptegen azamattary da bolashaǵyn Qazaqstanmen baılanystyrǵysy keledi, - dedi Qasym-Jomart Toqaev.

Memleket basshysy halyqaralyq arenadaǵy osy abyroı-bedelimizdi birte-birte nyǵaıtyp, talanttar, jańashyl ıdeıalar men ınnovatsııalyq tehnologııalar shoǵyrlanatyn elge aınalýymyz kerektigin basa aıtty.

– Búgin bárimiz tutas el bolyp jasap jatqan árbir qadam, árbir sheshim Qazaqstannyń táýelsizdigin nyǵaıtyp, keleshegin aıqyndaıdy. Bılik te, Sizder de, qurmetti ustazdar, bir maqsat jolynda eńbek etip kelemiz, bul – óskeleń urpaqtyń amandyǵy jáne jarqyn bolashaǵy. Sondyqtan, biz aldaǵy ýaqytta da muǵalim mártebesin kóterý úshin qajetti jaǵdaıdyń bárin jasaımyz, - dedi Prezıdent.

Memleket basshysynyń paıymynsha, muǵalimder memlekettik mańyzy bar jumysty atqaryp jatyr. 

Degenmen ustazdyń nazary bala oqytý isinde bolýǵa tıis.