Toqaev Microsoft kompanııasynyń Ortalyq Eýropa men Ortalyq Azııadaǵy prezıdentin qabyldady
ASTANA. KAZINFORM – Memleket basshysy Microsoft kompanııasynyń Ortalyq Eýropa men Ortalyq Azııadaǵy prezıdenti Mıshel Sımmonsty qabyldady.
Kezdesýde Qazaqstan men Microsoft kompanııasynyń IT-ındýstrııany damytý jáne startaptar úshin tolyq ekojúıe qurý baǵytyndaǵy yntymaqtastyǵynyń perspektıvasy talqylandy.
Qasym-Jomart Toqaevqa Microsoft kompanııasynyń Qazaqstandaǵy keńsesi qaıta qurylymdalyp, Ortalyq Azııa, Ázerbaıjan, Armenııa, Grýzııa, Mońǵolııa jáne Pákistan elderin qamtıtyn mýltıóńirlik habqa aınalǵany jóninde málimet berildi.
Memleket basshysy elimizde jasandy ıntellekt salasyna qatysty zańnama ázirlenip jatqanyn aıtty. Basty maqsat –ınnovatsııany damytý jáne ekonomıkalyq órleý úshin JI áleýetin paıdalaný. Kelesi jyly Jasandy ıntellekt ulttyq ortalyǵyn ashý josparlanyp otyr. Atalǵan keshen Qazaqstandaǵy tsıfrlyq transformatsııaǵa qajetti negizgi ınfraqurylymǵa aınalmaq.
Mıshel Sımmons Microsoft kompanııasy tsıfrlyq damý maqsatynda Qazaqstan tarapymen nátıjeli yqpaldastyqty odan ári jalǵastyrýǵa beıil ekenin atap ótti.
