Toqaev: Memlekettik shekaranyń qaýipsizdigi – kez kelgen memlekettiń basym baǵyty

NUR-SULTAN. QazAqparat – QR Prezıdenti Qasym-Jomart Toqaev Qazaqstan men Reseıdiń XVII óńiraralyq yntymaqtastyq forýmynda shekaradaǵy ótkizý beketterin zamanaýı baqylaý keshenderimen jabdyqtaý máselesi týraly pikir bildirdi, dep habarlaıdy QazAqparat tilshisi.

«Memlekettik shekaranyń qaýipsizdigin qamtamsyz etý kez kelgen memlekettiń sózsiz basym baǵyty. Qaýipsizdik sharalaryna biz tolyq túsinistikpen qaraımyz. Ásirese Aýǵanstandaǵy oqıǵalar aıasynda bul máseleniń mańyzdy ekenin siz, Vladmırım Vladımırovıch, Ujymdyq Qaýipsizdik Kelisim Sharty Uıymyna múshe elderdiń basshylary otyrystarynyń birinde tabandy aıtqan bolatynsyz. Ótkizý beketterin zamanaýı arnaıy baqylaý keshendermen tolyqtaı jabdyqtaý kommertsııalyq tranzıttiń qaýipsizdigi men jyldamdyq problemasyn da shesher edi», - dedi Memleket basshysy.

Aıta keteıik, Prezıdent Qasym-Jomart Toqaev sharaǵa onlaın formatta qatysýda.