Toqaev: Májilis jáne máslıhattar saılaýy – bılik ınstıtýttaryn jańartý jumysynyń qorytyndy kezeńi

ASTANA. QazAqparat - Májilis jáne máslıhattar saılaýy – bılik ınstıtýttaryn jańartý jumysynyń qorytyndy kezeńi. Bul týraly QR Prezıdenti Qasym-Jomart Toqaev ákimdermen jáne memlekettik organdardyń basshylarymen kezdesýinde aıtty, dep habarlaıdy QazAqparat.

«Bizdiń bolashaǵymyz – aıqyn, naqty josparymyz bar. Májilis jáne máslıhattar saılaýy – bılik ınstıtýttaryn jańartý jumysynyń qorytyndy kezeńi. Osylaısha, bılik jan-jaqty reformalardy jalǵastyrý úshin jańa senim mandatyna ıe bolady. Elimizdi damytý jolynda tyń bastamalar kóterip, ony tabysty júzege asyrý – basty mindet. Qazir jetistikke máz bolyp otyratyn zaman emes. Jumysty tyń qarqynmen jalǵastyrý kerek», – dedi Prezıdent.