Toqaev Lıhtenshteınmen dostyq qarym-qatynasty joǵary baǵalaıtynyn aıtty
ASTANA.KAZINFORM — Memleket basshysy Lıhtenshteınniń Taq muragerine quttyqtaý jedelhatyn joldady. Bul týraly Aqorda málim etti.
Qasym-Jomart Toqaev Taq murageri Aloızdi Lıhtenshteın Knıazdiginiń Ulttyq kúnimen quttyqtady.
– Qazaqstan Lıhtenshteınmen kóp jylǵy dostyq qarym-qatynasty jáne ózara qurmetti joǵary baǵalaıdy. Tıimdi yntymaqtastyǵymyz eki el halyqtarynyń ıgiligi jolynda nyǵaıa beretinine senimdimin, – dep jazylǵan jedelhatta.
Qasym-Jomart Toqaev Taq murageri Aloızdiń jaýapty memlekettik qyzmetine tabys, al dostas Knıazdik halqyna baq-bereke tiledi.
Aıta keteıik, buǵan deıin Prezıdent Úndistan Respýblıkasyn Táýelsizdik kúnimen quttyqtady.
Prezıdent Kongo Afrıka qurlyǵyndaǵy Qazaqstannyń mańyzdy seriktesi sanaıtynyn aıtty.
