Toqaev qytaılyq iri JOO fılıalynyń Qazaqstanda ashylýyna múddelilik bildirdi
SIANЬ. QazAqparat – Qazaqstanda Qytaıdyń iri joǵary oqý oryndarynyń biriniń fılıalyn ashýǵa múddeli ekenimizdi taǵy da atap ótkim keledi. Memleket basshysy Qasym-Jomart Toqaev búgin Qytaı Tóraǵasy Sı Tszınpınmen kelssóz barysynda osylaı aıtty, dep habarlaıdy QazAqparat Aqordaǵa silteme jasap.
«Elderimizdiń bilim men ǵylym salasyndaǵy yntymaqtastyqty nyǵaıtýǵa qyzyǵýshylyǵy artyp keledi. QHR-da tehnıkalyq bilim sapasy joǵary ekenin eskere otyryp, Qazaqstanda Qytaıdyń iri joǵary oqý oryndarynyń biriniń fılıalyn ashýǵa múddeli ekenimizdi taǵy da atap ótkim keledi», - dedi Q.Toqaev.
Buǵan deıin habarlaǵanymyzdaı, Qazaqstan men Qytaı basshylary búgin kelissóz júrgizdi. QR Prezıdenti Q.Toqaev Qytaıda memlekettik saparmen júr.
