Toqaev Kóshpendiler oıyndarynda el namysyn qorǵaǵandardyń eńbegi elenetinin aıtty
ASTANA. KAZINFORM — Prezıdent Qasym-Jomart Toqaev ózge elder basshylarymen birge ashylý saltanatyna qatysqan Dúnıejúzilik kóshpendiler oıyndarynyń barysyn jiti baqylap otyr. Bul týraly Prezıdenttiń keńesshisi — Baspasóz hatshysy Aıbek Smadııarov málim etti.
— Memleket basshysy Týrızm jáne sport mınıstri Erbol Myrzabosynov arqyly Qazaqstan atynan Oıynǵa qatysýshylarǵa izgi sálemin joldap, dostyq pen ádildik rýhynda ótip jatqan jarystarda jarqyn jeńis tiledi. Memleket basshysy bapkerler men chempıondarǵa rızashylyǵyn bildirdi, sondaı-aq ulttyq quramanyń ortaq tabysyna úles qosqan barsha azamattyń eńbegi elenetinin atap ótti, — delingen habarlamada.
Aıta keteıik, 31 tamyz kúni Qasym-Jomart Toqaev Dúnıejúzilik kóshpendiler oıyndarynyń ashylý saltanatyna qatysty.
Al búgin Qazaqstan quramasy 300 shaqyrymdyq at jarysynda úzdik atandy.
Qazaqstan Kóshpendiler oıynynda 25 altyn medalmen kósh bastady.
