Toqaev koronavırýsty anyqtaıtyn jańa skrınıng ortalyǵynyń qyzmetimen tanysty

ALMATY. QazAqparat - Qasym-Jomart Toqaev koronavırýs indetin anyqtaýǵa arnalǵan jańa mobıldi skrınıng ortalyǵynyń qyzmetimen tanysty. Bul ortalyq Ońtústik Koreıanyń tehnologııasy boıynsha jumys isteıdi, dep habarlaıdy Aqorda.

Almaty qalasynyń ákimi Baqytjan Saǵyntaev Memleket basshysyna qaladaǵy epıdemıologııalyq ahýal jaıynda esep berdi.

Koreıalyq «Medical Partners Korea» medıtsına kompanııasynyń basshylary Kım Daeng pen Mın Hısýk Qazaqstan Prezıdentine mobıldi laboratorııanyń múmkindigi men «Drive-through» júıesi boıynsha synama alýdaǵy tájirıbeleri týraly aıtty.

Qasym-Jomart Toqaev dárigerlermen áńgimelesip, olarǵa qajyrly eńbekteri úshin rızashylyǵyn bildirdi.

– Pandemııa – shyn mánindegi soǵys. Búkil álem pandemııaǵa qarsy soǵys jarııalady. Frantsýzdarda soǵystyń aty soǵys degen sóz bar. Biz judyryqtaı jumylsaq, pandemııany jeńe alamyz, – dedi Prezıdent.

Sonymen qatar Memleket basshysy Ortalyqtyń qyzmetkerlerin 12 mamyrda atap ótiletin Halyqaralyq medbıkeler kúnimen quttyqtady.