Toqaev Koreıada oqyp jáne eńbek etip júrgen qazaqstandyqtarmen áńgimelesti
ASTANA. KAZINFORM — Memleket basshysy Koreıada oqyp jatqan jáne eńbek etip júrgen Qazaqstan azamattarymen emen-jarqyn áńgimelesti.
Aqordanyń baspasóz qyzmetiniń habarlaýynsha, Prezıdent otandastarymyzben júzdesýde elimizde júrgizilip jatqan saıası reformalar men azamattardyń ál-aýqatyn arttyrýǵa baǵyttalǵan áleýmettik-ekonomıkalyq ózgeristerge toqtaldy.
Koreıadaǵy qazaqstandyqtar oqýda, qyzmette qol jetkizgen tabystaryn tilge tıek etip, maqsat-mejelerin aıtyp ótti.
Kezdesý sońynda Qasym-Jomart Toqaev Koreıada turatyn Qazaqstan azamattary men stýdentterge sáttilik tiledi.
Eske salaıyq, munyń aldynda Memleket basshysy Qasym-Jomart Toqaev pen Koreıa Ulttyq Assambleıasynyń Spıkeri Cho Chjon Shık qazaq etnoaýylyna barǵanyn habarlaǵanbyz.
