Toqaev Koreıa parlamenti spıkerine eldegi saıası reformalar týraly aıtyp berdi
ASTANA. KAZINFORM — Prezıdent Koreıa Respýblıkasy Ulttyq Assambleıasynyń Spıkeri Cho Chjon Shıkpen kezdesti.
Qasym-Jomart Toqaev Cho Chjon Shıkke iltıpat bildirip, ony Koreıa Respýblıkasy Ulttyq Assambleıasynyń Spıkeri bolyp saılanýymen quttyqtady. Memleket basshysy áńgimelesý barysynda Koreıa Prezıdenti Lı Chje Meńmen bolǵan kelissózderdiń nátıjesine toqtaldy.
— Mazmundy ári maǵynaly kezdesý boldy. Biz ekijaqty yqpaldastyǵymyzdy bolashaqqa baǵdarlanǵan jan-jaqty strategııalyq seriktestik deńgeıine kóterý jóninde mańyzdy ýaǵdalastyqqa qol jetkizdik, — dedi Prezıdent.
Qasym-Jomart Toqaev Koreıa parlamentiniń ókilderine elimizde memlekettik basqarýdyń jańa úlgisin qalyptastyrý maqsatynda júrgizilip jatqan aýqymdy saıası reformalar týraly málimet berdi.
— 1 shilde kúni halqymyz jappaı qoldaǵan Konstıtýtsııa zańdy kúshine endi. Bul tarıhı ýaqıǵa Qazaqstanda júrgizilip jatqan jańǵyrý úderisine tyń serpin beredi dep oılaımyz. Eki palataly parlamenttiń ornyna jańa bir palataly qurylym keldi. Vıtse-Prezıdent laýazymy paıda boldy. Qaýipsizdik Keńesiniń Apparaty jasaqtaldy. Oǵan qosa konstıtýtsııalyq mártebesi bar biregeı konsýltatıvtik organ — Halyq Keńesi jumysyn bastady. Maqsatymyz — Ádiletti, Kúshti, Taza ári Ozyq Qazaqstandy qurý, — dedi Prezıdent.
Eske salaıyq, buǵan deıin Koreıa Prezıdenti Toqaevqa general Hon Bom Donyń súıegin qaıtarǵany úshin alǵys aıtqanyn jazǵanbyz.
