Toqaev Koreıa bıznesin Qazaqstanǵa ınvestıtsııa salýǵa shaqyrdy
ASTANA. KAZINFORM — Memleket basshysy Qazaq-koreı dóńgelek ústeliniń ashylýynda adam kapıtalyn damytýdyń mańyzyna basa mán beretinin aıtty. Bul týraly Aqorda málim etti.
Onyń aıtýynsha, Qazaqstan men Koreıa ýnıversıtetteri 230-dan asa kelisim jasasyp, akademııalyq baılanysty keńeıte tústi.
Budan bólek, Memleket basshysy densaýlyq saqtaý salasynda ınvestıtsııalyq seriktestikke múmkindik mol dep sanaıdy. Ásirese, medıtsınalyq ınfraqurylym, farmatsevtıka, bıotehnologııa jáne medıtsınalyq qurylǵy óndirisi basym baǵyttar retinde ataldy.
Prezıdent sóz sońynda ondaǵan jyldar buryn Koreıa ekonomıkanyń basty salalary boıynsha álemde kósh bastap, sony serpilis jasaǵanyna nazar aýdardy.
— Qazir Qazaqstan túbegeıli ekonomıkalyq jańǵyrý kezeńine qadam basty. Jańa salalardy, tehnologııany, zertteý áleýeti men adam kapıtalyn damytýǵa kúsh salyp jatyrmyz. Búgingi kezdesý jáne qol qoıylǵan kelisimder anaǵurlym aýqymdy seriktestikke tyń serpin beredi dep senemin. Koreıa bıznesin Qazaqstanǵa belsendi ınvestıtsııa quıýǵa shaqyramyn. Qazaqstan Úkimeti Koreıa kásipkerleriniń elimizdegi árbir paıdaly bastamasyna jan-jaqty qoldaý kórsetedi, — dedi Qasym-Jomart Toqaev.
Jıyn barysynda Koreıa Respýblıkasynyń Premer-mınıstri Han Son Sýk, Qazaqstan-Koreıa Іskerlik keńesiniń koreı tarapynan teń tóraǵasy ıÝn Djın Shık, Qazaqstan-Koreıa Іskerlik keńesiniń teń tóraǵasy Nurlan Jaqypov, Samsung Electronics kompanııasynyń atqarýshy vıtse-prezıdenti Djo Song Chje, Shinhan Financial Group tóraǵasy Chjın Ok-Don, CONTEC Co Ltd kompanııasynyń negizin qalaýshy jáne bas dırektory Lı Sýng Hı, sondaı-aq Koreıanyń geologııalyq jáne mıneraldy resýrstar ınstıtýtynyń (KIGAM) prezıdenti Kvon I Kıýn sóz sóıledi.
Eske sala keteıik, Qasym-Jomart Toqaev Koreıa Respýblıkasyna memlekettik saparmen bardy.
Prezıdent Qasym-Jomart Toqaev Koreıanyń birqatar azamatyn marapattady.
Toqaev pen Pan Gı Mýn BUU reformasy týraly pikir almasty.
