Toqaev Koreı Prezıdentiniń Qazaqstanǵa saparyn tarıhı oqıǵa dep baǵalady

ASTANA. KAZINFORM – Qazaqstan men Koreıa arasyndaǵy qarym-qatynas tyń serpinmen ári qarqyndy damyp keledi. Bul týraly Aqordada elimizge úshkúndik memlekettik saparmen kelgen Ońtústik Koreıa Prezıdenti ıÝn Sok Elmen keńeıtilgen quramdaǵy kelissóz barysynda Memleket basshysy Qasym-Jomart Toqaev aıtty.

«Bul – sizdiń Qazaqstanǵa jasaǵan alǵashqy memlekettik saparyńyz. Muny tarıhı oqıǵa dep baǵalaımyz. Biz Ońtústik Koreıanyń ekonomıkalyq jetistikterine jáne koreı halqynyń mádenıeti men dástúrine erekshe qyzyǵýshylyqpen qaraımyz. Qazirgi tańda elderimiz arasyndaǵy qarym-qatynas tyń serpinmen ári qarqyndy damyp keledi dep nyq senimmen aıtýǵa bolady. Biz ózara qarym-qatynasta ulttyq múddelerimizdi qurmetteımiz. Sonyń arqasynda yntymaqtastyqtyń tıimdi úlgisin qalyptastyrdyq. Búgin qol qoıylatyn birqatar qujat pen birlesken málimdeme sonyń aıqyn dáleli. Búgingi kelissózder qazaq-koreı yqpaldastyǵynyń aıasyn keńeıtip, ekijaqty baılanysty jańa beleske kóteredi dep senemin. Búgingi oqıǵany memleketterimiz arasyndaǵy aıryqsha senimdi qarym-qatynastyń belgili retinde baǵalaımyn», - dep atap ótti Qazaqstan Prezıdenti.

Memleket basshysy Koreı Prezıdentiniń sapary eki eldiń dostyq pen ózara qoldaýǵa negizdelgen seriktestigin nyǵaıtýdyń jaqsy múmkindigi ekendigin basa aıtty.