Toqaev koreı kompanııalaryn Alatau City qalasyn salysýǵa shaqyrdy

ASTANA. KAZINFORM — Memleket basshysy Qasym-Jomart Toqaev Qazaqstan-Koreı bıznes forýmynda ońtústikkoreıalyq ınvestorlar men developer kompanııalardy «Alataý City» aqyldy qala» jobasyna atsalysýǵa shaqyrdy.

«Qalalardy damytý jáne adam ómirine jaıly jaǵdaı jasaý salasyndaǵy yqpaldastyqty kúsheıtý qajet. Biz Sıngapýr kompanııalarymen seriktese otyryp aýmaǵy arnaıy ekonomıkalyq aımaqqa jatqyzylǵan Alatau City atty jańa „aqyldy qala“ salýǵa kiristik», — dedi Prezıdent.

Memleket basshysy bul shahardy tek Qazaqstan úshin ǵana emes, tutas Ortalyq Azııa úshin jetekshi halyqaralyq habqa aınaldyrý josparlanǵanyn eske saldy. 

«Ońtústik Koreıa ınvestorlary men developer kompanııalar osy bastamaǵa belsendi úles qosady dep úmittenemiz», — dedi Qasym-Jomart Toqaev.