Qazaq-qyrǵyz shekarasynda ónerkásiptik saýda-logıstıkalyq keshen iske qosylady

ASTANA. KAZINFORM – Kezdesý barysynda Qazaqstan men Qyrǵyzstan arasyndaǵy strategııalyq seriktestikti jan-jaqty tereńdetý máseleleri talqylandy. 

Тоқаев Қырғызстан Министрлер кабинетінің төрағасы – Президент Әкімшілігінің басшысын қабылдады
Фото: Ақорда

Qasym-Jomart Toqaev Adylbek Kasymalıevti Qyrǵyz Respýblıkasy Mınıstrler kabınetiniń tóraǵasy laýazymyna taǵaıyndalýymen quttyqtap, onyń Astanaǵa jasaǵan alǵashqy resmı sapary baýyrlas halyqtar arasyndaǵy dostyq pen odaqtastyq qatynastardy nyǵaıtý turǵysynan aıryqsha mańyzdy ekenine nazar aýdardy.

– Qazirgi tańda qazaq-qyrǵyz yntymaqtastyǵy qarqyndy damyp jatqanyn erekshe atap ótkim keledi. Qurmetti Sadyr Nýrgojoevıch Japarovtyń Qazaqstanǵa byltyr jasaǵan resmı sapary ekijaqty yqpaldastyǵymyzdy jańa deńgeıge kóterdi. Osy sátti paıdalanyp, qurmetti Sadyr Nýrgojoevıchke jyly lebizimdi jetkizýińizdi suraımyn, - dedi Memleket basshysy. 

Prezıdenttiń aıtýynsha, eki el úkimetterine júktelgen basty mindetterdiń biri – joǵary deńgeıde qol jetkizilgen ýaǵdalastyqtardyń tolyqtaı júzege asyrylýyn baqylaý. Atap aıtqanda, taýar aınalymynyń kólemin ulǵaıtý úshin jańa múmkindikter izdeý, qazaq-qyrǵyz shekarasyndaǵy Indýstrıaldy saýda-logıstıkalyq keshendi jedel iske qosýǵa yqpal etý, sondaı-aq kólik-tranzıt baılanysy úshin qolaıly jaǵdaı jasaý qajet.

Óz kezeginde Adylbek Kasymalıev qyrǵyz delegatsııasyna qazaq jerinde kórsetilgen qonaqjaılyqqa rızashylyǵyn bildirip, Prezıdent Sadyr Japarovtyń izgi sálemi men tilegin jetkizdi. 

– Bizdiń Prezıdentimiz baýyrlas Qazaqstanmen dostyq jáne tatý kórshilik qarym-qatynasty árdaıym arttyrýǵa zor mán berip, qoldaý bildirip keledi. Joǵary deńgeıdegi kezdesýlerde qol jetkizilgen kelisimderdiń arqasynda Qyrǵyzstan men Qazaqstan arasyndaǵy saıası, saýda-ekonomıkalyq, sý-energetıkalyq, mádenı-gýmanıtarlyq jáne basqa da salalardaǵy yntymaqtastyq nyǵaıa tústi, - dedi Qyrǵyzstan Úkimetiniń basshysy. 

Adylbek Kasymalıev memleketter basshylary qoıǵan barlyq mindet qazaqstandyq áriptestermen birge muqııat pysyqtalyp jatqanyn aıtty.

Kezdesýde birlesken ınvestıtsııalyq jobalardy iske asyrý jáne sý-energetıka salasyndaǵy yqpaldastyq máselelerine aıryqsha mán berildi. 

Сейчас читают