Toqaev kınoǵa barǵan kórermen sanyn esepteıtin tsıfrlyq júıe engizýdi tapsyrdy

ASTANA. QazAqparat – Otandyq kınonyń damýyna jańasha kózqaras, tyń serpin kerek. Bul jaıynda Túrkistanda ótip jatqan Ulttyq quryltaıdyń «Ádiletti Qazaqstan – Adal azamat» atty ekinshi otyrysynda Prezıdent Qasym-Jomart Toqaev aıtty, dep habarlaıdy QazAqparat tilshisi.

«Qazir kınoteatr ıeleri otandyq fılmderdi ekrannan kórsetý úshin qomaqty qarjy talap etedi. Bıletten túsken qarjynyń edáýir bóligi taǵy da kınoteatrlardyń jáne jeke kompanııalardyń qaltasyna ketedi. Buǵan qosa, kınogerler fılmdi naqty qansha adam kórgenin anyqtaı almaıdy. Qysqasy, kınoǵa búkil bilimin, kúsh-qaıraty men ýaqytyn sarp etken mamandarǵa tabystyń az ǵana bóligi tıedi. Kıno mamandary paıda tabý úshin óte arzan fılmder túsirýge májbúr. Sondyqtan, quny arzan, mazmuny arzan fılmder paıda bolýda», - dedi Prezıdent.

Memleket basshysynyń paıymynsha, otandyq kınonyń damýyna jańasha kózqaras, tyń serpin kerek.

«Mysaly, kınoǵa barǵan kórermen sanyn esepteıtin tsıfrlyq júıe engizýge bolady. Mádenıet jáne sport mınıstrligine jýyq arada osy júıeni daıyndap, qoldanysqa engizýdi tapsyramyn», - dedi Qasym-Jomart Toqaev.