Toqaev: QHA men Ulttyq quryltaıdyń tarıhı mańyzdy mıssııalary sátti aıaqtaldy
QYZYLORDA. KAZINFORM – V Ulttyq quryltaıda Memleket basshysy Qasym-Jomart Toqaev Ulttyq quryltaı óz mıssııasyn aıaqtaǵanyn málim etti.
- Reformalardyń jańa kezeńinde Qazaqstanǵa qoǵamdyq damýdyń barlyq máseleleri boıynsha turaqty jalpyulttyq dıalog júrgizý úshin aýqymdy platforma nemese trıbýna qajet. Bul platforma halqymyzdyń b birligine yqpal etetin negizgi qoǵamdyq-saıası birlestikter men qurylymdardy qamtıdy. Osyǵan súıene otyryp, Qazaqstan halqy Assambleıasy men Ulttyq quryltaıdyń tarıhı mańyzdy mıssııalary is júzinde sátti aıaqtaldy dep sanaýǵa bolady, - dedi Memleket basshysy.
Qasym-Jomart Toqaev atalǵan eki ınstıtýttyń ornyn basatyn jańa qurylym kerektigin atap ótti.
- Jańa ınstıtýt retinde Qazaqstannyń Halyq keńesin qurýdy usynamyn. Jańa organnyń qyzmetinde Halyq Assambleıasy men Ulttyq quryltaı fýnktsııalarynyń strategııalyq sabaqtastyǵyn –Qazaq memlekettiligi men Qazaqstan Respýblıkasynyń táýelsizdigin dáıekti nyǵaıtýdy saqtaý óte mańyzdy dep sanaımyn, - dedi Prezıdent.
Halyq Keńesi tóraǵasynyń qoǵamdyq negizde rotatsııalyq negizde taǵaıyndalǵan eki orynbasary, sondaı-aq hatshylyqtyń basshysy bolady.
Osyǵan deıin Memleket basshysy ekonomıka men energetıka salasynda kadrlyq aýys-túıis jasaýǵa týra keletinin aıtty.