Toqaev: Keıingi daǵdarystar BUU-ny reformalaý qajettigin kórsetti

ASTANA. QazAqparat – QR Prezıdenti Qasym-Jomart Toqaev Birikken Ulttar Uıymy Bas Assambleıasy 77-sessııasynyń jalpy debatynda sóılegen sózinde BUU-ny reformalaý qajettigi týraly pikir bildirdi, dep habarlaıdy QazAqparat tilshisi.

«Biz tek kúsh jumyldyra otyryp qana qazirgi zamannyń syn-qaterlerine tótep bere alatynymyzǵa senimdimin.

Ortaq maqsatymyzǵa qol jetkizý úshin biz mynadaı baǵyttarda áreket etýge tıispiz.

Ótken jyldardaǵy kóptegen jáne kóbine ózara baılanysty daǵdarystar jahandyq basqarýda aıtarlyqtaı kemshilikter bar ekenin kórsetti. Olar BUU-ny jańǵyrtý jáne reformalaý qajet ekenin aıqyndap berdi»,- dedi Prezıdent.

Qasym-Jomart Toqaev BUU aldaǵy syn-qaterlerge jáne týyndaıtyn múmkindikterge daıyn bolýǵa tıis dep esepteıdi.

«Osyǵan baılanysty Qazaqstan Bas hatshynyń «Bizdiń ortaq máselemiz» atty baıandamasynda aıtylǵan usynystardy qoldaıdy.

Bizge BUU Jarǵysynyń erejelerin bekitýge, kópjaqtylyqqa tyń serpin berýge, qoldanystaǵy mindettemelerdiń júzege asyrylýyn kúsheıtýge, jańa syn-qaterlerge qatysty naqty sheshimderdi kelisýge jáne Uıymǵa múshe memleketterdiń ózara senimin qalpyna keltirýge zor múmkindik týyp tur.

Biz kelesi jyly Uıymǵa múshe memleketter mınıstrleriniń kezdesýi aıasynda ótetin konsýltatsııalarǵa qatysýdy, sondaı-aq 2024 jyly Bolashaq sammıtin asyǵa kútemiz», - dedi Memleket basshysy.

Foto:OON/Djeısı Makılveın