Qasym-Jomart Toqaev vıtse-prezıdent laýazymyn bekitýdi usyndy
QYZYLORDA. KAZINFORM — Ulttyq quryltaıdyń V otyrysynda Memleket basshysy Qasym-Jomart Toqaev elimizde vıtse-prezıdent laýazymyn bekitýdi usyndy.
— Vıtse-prezıdentti Parlamenttiń qarapaıym basym daýysynyń kelisimimen Prezıdent taǵaıyndaıdy. Onyń ókilettik aıasyn Memleket basshysynyń ózi aıqyndaıdy. Vıtse-prezıdent Prezıdenttiń tapsyrmasymen halyqaralyq forýmdar men shet memleketterdiń delegatsııalarymen kelissózderde Qazaqstan Respýblıkasynyń múddesin, Parlamentte Prezıdenttiń múddelerin bildiretini, otandyq jáne sheteldik qoǵamdyq-saıası, ǵylymı, mádenı-aǵartýshylyq uıymdarmen ózara is-qımyl jasaıtyny, Prezıdenttiń ózge de tapsyrmalaryn oryndaıtyny kózdeledi. Vıtse-prezıdenttiń qyzmettik fýnktsıonalyna qatysty osy negizgi erejelerdi Konstıtýtsııa mátininde de kórsetken jón, — dedi Prezıdent.
Osyǵan deıin Memleket basshysy jańa Parlament 5 jylǵa saılanatyny týraly aıtty.