Reseı Prezıdenti Mańǵystaýdaǵy sarbazdar qazasyna baılanysty kóńil aıtty
ASTANA. KAZINFORM – Qasym-Jomart Toqaev Reseı Prezıdenti Vladımır Pýtınge Kaspıı teńizindegi oqý-jattyǵý kezinde qazaqstandyq áskerı qyzmetshilerdiń qaza tabýyna baılanysty kóńil aıtqany úshin rızashylyǵyn bildirdi. Bul týraly Aqordanyń baspasóz qyzmeti habarlady.
Qasym-Jomart Toqaev Reseı Prezıdenti Vladımır Pýtınge Kaspıı teńizindegi oqý-jattyǵý kezinde qazaqstandyq áskerı qyzmetshilerdiń qaza tabýyna baılanysty kóńil aıtqany úshin rızashylyǵyn bildirdi.
Memleket basshysy el úshin osyndaı aýyr sátte Qazaqstan Reseı kóshbasshysy men halqynyń shynaıy tilektestigin jáne qoldaýyn erekshe baǵalaıtynyn atap ótti.
Eske salaıyq, 2026 jylǵy 24 qyrkúıekte Kaspııdegi áskerı oqý-jattyǵý kezinde 9 áskerı qyzmetshi qaza tapqanyn habarlaǵanbyz. Úsh áskerı qyzmetshi qutqaryldy. Olardyń bireýi aýrýhanaǵa jatqyzyldy.
Keıinnen Kaspııde qaza bolǵan áskerı qyzmetshilerdiń sany 12-ge jetip, ekeýi izdestirilip jatqany habarlandy.
Qorǵanys mınıstrligi oqý-jattyǵý kezinde qaza tapqan áskerı qyzmetshilerdiń tizimin jarııalady.
Áskerı qyzmetshilerdiń qaza bolý faktisi boıynsha qylmystyq is qozǵalyp, tergelip jatqanyn jazdyq.
Sonymen qatar, Prezıdent Qasym-Jomart Toqaev Mańǵystaý oblysynda áskerı oqý-jattyǵý kezindegi qaıǵyly oqıǵa saldarynan qaza tapqan áskerı qyzmetshilerdiń týǵan-týystaryna kóńil aıtty.
Áskerılerdiń qazasynan keıin Aqtaýda úsh kúnge josparlanǵan merekelik sharalar ótpeıtini aıtyldy.
