Toqaev: Qazaqstandy úsh jyldyń ishinde tolyq tsıfrlanǵan elge aınaldyrý — strategııalyq maqsatymyz
NЬıÝ-IORK. KAZINFORM — Memleket basshysy Qasym-Jomart Toqaev BUU Bas Assambleıasynyń 80-shi sessııasy aıasyndaǵy Jalpy debatta sóılegen sózinde Qazaqstan úsh jyldyń ishinde tolyq tsıfrlanǵan elge aınalýdy kózdeıtinin málim etti.
— Qazaqstan jasandy ıntellektini tehnologııalyq jetistik dep qana emes, adamzat progresine qozǵaý salatyn zor tabys retinde qarastyrady. Alaıda jasandy ıntellektini damytýdyń táýekelderi de bar. Atap aıtqanda, ol tehnologııalyq, ekonomıkalyq jáne geosaıası teńsizdikterdiń kúsheıýine ákeledi. Sondaı-aq etıka normalary bul evolıýtsııanyń sońynda qalyp qoıýyna jol bermeýimiz kerek. Ádilettilik, jaýapkershilik jáne adam quqyqtaryn qorǵaý máseleleri jedel ári naqty sheshilýge tıis. Bul úshin ár el JI artyqshylyqtaryn paıdalana alatyndaı ujymdyq kúsh-jiger qajet, — degen Memleket basshysy Qazaqstan BUU aıasynda Jasandy ıntellektini basqarý boıynsha jahandyq dıalogtyń bastalýyn qoldaıtynyn atap ótti.
Prezıdenttiń sózinshe, Qazaqstanda jasandy ıntellekt ekonomıka men memlekettik qyzmet kórsetýdiń barlyq sektoryna engiziledi.
— JI salasyndaǵy qaýipsizdik, ınklıýzıvtilik jáne adamǵa baǵdarlaný mindetti túrde eskerilýi úshin atalǵan platforma jumysyna belsendi túrde atsalysýǵa daıynbyz. Qazaqstanda jasandy ıntellekt ekonomıka men memlekettik qyzmet kórsetýdiń barlyq sektoryna engiziledi. Qazirdiń ózinde ony júzege asyrýdyń bazalyq ınfraqurylymy jasaqtalyp jatyr. Daryndy jas mamandarymyz muny iske asyrýǵa ázir. Bizdiń strategııalyq maqsatymyz — úsh jyldyń ishinde Qazaqstandy tolyq tsıfrlanǵan elge aınaldyrý. Jappaı tsıfrlandyrý jáne jasandy ıntellektini keńinen qoldaný elimizdiń ulttyq basymdyǵyna aınaldy. Elektrondyq úkimet ulttyq damý strategııamyzdyń negizgi elementi sanalady. Memlekettik qyzmet kórsetýdiń shamamen 90 paıyzy tsıfrlyq formatta usynylady, — dedi Toqaev.
Qasym-Jomart Toqaev jýyqta ǵana Qazaqstan qýatty ulttyq sýperkompıýterdi iske qosqanyn eske saldy.
— Degenmen JI men avtomattandyrý kóptegen elde jumys oryndarynyń qysqarýyna ákelýi múmkin. Sondyqtan tsıfrlyq progress kásiptik bilim berýmen qatar júrgizilýi qajet. Qazaqstan jumyspen qamtýdy arttyryp qana qoımaı, kásiptik mamandyqtardyń mártebesin kóterýdi asa mańyzdy dep sanaıdy, — dedi Prezıdent.
Buǵan deıin habarlaǵanymyzdaı, Memleket basshysy BUU Bas Assambleıasynyń mereıtoılyq 80-sessııasynyń Jalpy debattyń ashylýyna qatysyp otyr.
Prezıdent Qasym-Jomart Toqaevtyń Nıý-Iork tórinde BUU minberinen sóılegen sózin Jibek Joly arnasy tikeleı efırde kórsetti.
Osydan buryn Prezıdent Qazaqstan Aýǵanstannyń ınklıýzıvti damýyn aımaqtaǵy uzaq merzimdi beıbitshilik pen turaqtylyqty qamtamasyz etýdiń kepili dep sanaıtynyn aıtty.