Toqaev Qazaqstan, Túrkııa, Ázerbaıjan basshylarynyń kezdesýin Aqtaýda ótkizýdi usyndy

ASTANA. QazAqparat – Memleket basshysy Qasym-Jomart Toqaev Túrkııa Prezıdenti Rejep Taııp Erdoǵanǵa Qazaqstan, Túrkııa jáne Ázerbaıjan Prezıdentteriniń kezdesýin Aqtaýda ótkizýdi usyndy, dep habarlaıdy QazAqparat tilshisi.

«Bıyl maýsym aıynda Bakýde úshjaqty formattaǵy kezdesý ótti. Biz bul dástúrdi jalǵastyrýǵa nıettimiz. Kelesi basqosýdy Aqtaýdy ótkizýdi usynamyz», - dedi Qasym-Jomart Toqaev Aqordada ótip jatqan Qazaqstan men Túrkııa arasyndaǵy joǵary deńgeıdegi strategııalyq yntymaqtastyq keńesiniń 4-shi otyrysynda

Memleket basshysy búginde Qazaqstan men Túrkııa arasyndaǵy áskerı tehnıka, densaýlyq saqtaý, farmatsevtıka, joǵary bilim jáne tsıfrlandyrý salasynda basymdyq berilgen jobalar bar ekendigin aıtty.

«Degenmen, eki eldiń osy baǵyttar boıynsha ózara tıimdi yntymaqtastyqty odan ary damytý áleýeti budan áldeqaıda zor», - dedi QR Prezıdenti.