Toqaev: Qazaqstan Germanııa ekonomıkasyn energııamen jáne qajetti shıkizatpen turaqty qamtamasyz ete alady

ASTANA. QazAqparat – Qazaqstan Germanııa ekonomıkasyn energııamen jáne qajetti shıkizatpen turaqty qamtamasyz ete alady. Bul týraly Aqordada Germanııa Prezıdenti Frank-Valter Shtaınmaıermen kelissózderden keıingi BAQ ókilderine birlesken málimdeme barysynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Memleketterimizdiń ekonomıkasy kóp jaǵdaıda bir-birin tolyqtyrady. Tehnologııalardy shıkizatqa almastyrý formýlasyna negizdelgen qatynas eki tarap úshin nátıjeli bolmaq. Qazaqstan Germanııa ekonomıkasyn energııamen jáne qajetti shıkizatpen turaqty qamtamasyz ete alady. Bul qazirgi geosaıası jáne geoekonomıkalyq kezeńde asa mańyzdy. Nemis tarapynyń ótinishi boıynsha Shvedt qalasynda munaı óńdeý zaýytyna Qazaqstan munaıyn jóneltý sonyń naqty mysaly. Josparlanǵan sharalardy tıimdi júzege asyrý úshin Shtaınmaıer myrzamen talqylanǵan birneshe máseleni sheshý qajet», - dedi Qasym-Jomart Toqaev.

Prezıdenttiń atap ótýinshe, sonyń biri – kólik-logıstıka baılanysyn kúsheıtý.

«Búginde orta dáliz dep atalatyn Transkaspıı halqaralyq kólik baǵytynyń mańyzy artyp kele jatyr. Biz muny kezdesý barysynda erekshe atap óttik. Orta dálizdiń negizgi bóligi Mańǵystaý oblysy arqyly ótedi Shtaınmaıer myrza Batys elderiniń basshylary ishinde osy óńirge birinshi bolyp barǵaly otyr», - dedi Memleket basshysy.