Toqaev: Qazaqstan birte-birte óńirlik akademııalyq jáne ǵylymı-zertteý habyna aınalyp keledi
NЬıÝ-IORK. KAZINFORM — Búginde elimizde sheteldik joǵary oqý oryndarynyń 33 fılıaly ashylǵan, dep habarlaıdy Aqordanyń baspasóz qyzmeti.
Prezıdent mán bergen kelesi basymdyq — tsıfrlyq transformatsııa. Qasym-Jomart Toqaev aldaǵy úsh jylda Qazaqstandy tolyq tsıfrlyq memleketke jáne tsıfrlyq transformatsııa men jasandy ıntellekt salasynda Eýrazııada kósh bastaıtyn ІT-habqa aınaldyrý josparymen bólisti. NVIDIA, Amazon, Starlink jáne Microsoft sııaqty jahandyq tehnologııalyq alpaýyttar tsıfrlyq ekojúıemizdi qalyptastyrýǵa belsendi atsalysyp jatyr. Memleket basshysynyń aıtýynsha, bul elimizdiń ІT salasyndaǵy áleýeti orasan zor ekenin kórsetedi. Bul rette tsıfrlyq aktıvter, Indýstrııa 4.0, jasandy ıntellekt jáne «aqyldy qala» sheshimderi ózara yqpaldastyqtyń perspektıvti baǵyttary sanalady. Qarjy sektory týraly sóz qozǵaı otyryp, Memleket basshysy dóńgelek ústel qatysýshylaryna «Astana» halyqaralyq qarjy ortalyǵynyń múmkindikterin tanystyrdy. Qazirgi ýaqytta onda 80-nen asa elden 4200-den astam kompanııa tirkelgen. Onyń 60-tan astamy — amerıkalyq kompanııalar. Qasym-Jomart Toqaev adamı kapıtaldy damytýdyń mańyzyna erekshe toqtaldy.
— Qazaqstan birte-birte óńirlik akademııalyq jáne ǵylymı-zertteý habyna aınalyp keledi. Búginde elimizde sheteldik joǵary oqý oryndarynyń 33 fılıaly ashylǵan. Olardyń qatarynda Arızona ýnıversıteti, Kolorado taý-ken mektebi, Dıýk ýnıversıteti, Pensılvanııa shtaty ýnıversıteti, Mınnesota ýnıversıteti jáne Nıý-Iork kıno akademııasy sekildi amerıkalyq jetekshi joǵary oqý oryndary bar, — dedi Prezıdent.
Sondaı-aq búginde «Bolashaq» baǵdarlamasynyń 800-den astam stıpendııa ıegeri AQSh-tyń Garvard, Massachýsets tehnologııalyq ınstıtýty, Stenford, Chıkago ýnıversıteti sekildi mańdaıaldy oqý oryndarynda bilim alyp jatyr. Bul rette Memleket jas býyn kóshbasshylaryn qalyptastyrý úshin amerıkalyq ýnıversıtettermen jáne zertteý ortalyqtarymen birlesken jobalardyń aıasyn keńeıtýdi usyndy.
Budan buryn Prezıdent AQSh kompanııalaryn elimizdiń aýyl sharýashylyǵy áleýetin barynsha paıdalanýǵa shaqyrdy.