Toqaev Qazaq-german ınvestıtsııa-qarjy platformasyn qurýdy usyndy
ASTANA. KAZINFORM — Qazaqstan men Germanııa jasyl energetıka jáne ónerkásip jobalaryn birge damytýy múmkin, dep habarlaıdy Aqordanyń baspasóz qyzmeti.
— Mundaı platforma Eýropanyń jáne Germanııanyń kapıtalyn Qazaqstan tarapynyń qosa qarjylandyrý, kepildik berý jáne birge táýekel etý tetikterimen ushtastyrar edi. Al «Báıterek» holdıngi maqsatty jobalardy qurylymdaý jaǵyn qamtamasyz etedi. Biz elimizde jumys istep jatqan halyqaralyq qarjy uıymdarynyń qatarynda eksportty kredıtteýmen jáne ınvestıtsııany saqtandyrýmen shuǵyldanatyn germanııalyq ınstıtýttar da bolǵanyn qalaımyz. Bul rette Qazaqstanda qyzmetin bastaǵan Euler Hermes kompanııasymen yntymaqtastyqqa aıryqsha mańyz artamyz, — dedi Qasym-Jomart Toqaev.
Prezıdenttiń aıtýynsha, asa mańyzdy materıaldar salasyndaǵy yqpaldastyqqa erekshe mán bergen jón. Qazaqstan Germanııanyń Shıkizatpen qamtamasyz etý qorymen yntymaqtastyqty jolǵa qoıýǵa múddeli. Sondaı-aq UFK kepildigin beretin sharttarǵa saı jáne Germanııa ónerkásibine qajetti shıkizat jetkizýge septigin tıgizetin jobalardy ilgeriletý de — elimiz úshin mańyzdy. Budan bólek, energetıka jáne ónerkásip sektoryn jańǵyrtý, sonyń ishinde jańartylatyn qýat kózderi men «jasyl» sýtegi jobalaryn damytý asa ózekti. Eýropa ınvestıtsııalyq banki men Qazaqstan damý banki Germanııa kapıtalynyń qatysýymen atalǵan salalardyń bárinde ózara tıimdi yntymaqtastyq qura alady.
Budan buryn Qasym-Jomart Toqaev Federaldyq Prezıdent Frank-Valter Shtaınmaıerdiń shaqyrýymen Germanııaǵa resmı saparmen barǵanyn jazǵanbyz.
