Toqaev Qaýipsizdik Keńesiniń apparatyn qurý týraly Jarlyqqa qol qoıdy
ASTANA. KAZINFORM — Prezıdent «Qazaqstan Respýblıkasynyń memlekettik basqarý júıesin odan ári jetildirý jónindegi sharalar týraly» Jarlyqqa qol qoıdy.
Qujatqa sáıkes, Qazaqstan Respýblıkasynyń Prezıdentine tikeleı baǵynatyn jáne esep beretin memlekettik organ retinde Qazaqstan Respýblıkasy Qaýipsizdik Keńesiniń apparaty quryldy.
Eske salaıyq, buǵan deıin Memleket basshysy Qasym-Jomart Toqaev «Qazaqstan Respýblıkasynyń Úkimeti týraly» jarlyqqa qol qoıǵan edi.
Jarlyqqa sáıkes, jańadan saılanǵan Qazaqstan Respýblıkasy Quryltaıynyń aldynda Úkimettiń ókilettigin doǵarýyna baılanysty qazirgi Úkimet jańa quram bekitilgenge deıin óz mindetterin atqara beredi.
