Toqaev: Qarjyny baqylaýǵa tıis organdardyń jalǵan shaǵym uıymdastyrýdan qoly bosamaı júr
NUR-SULTAN. QazAqparat – QR Prezıdenti Qasym-Jomart Toqaev qarjyny baqylaýshy organdardyń ózderi sybaılas jemqorlyqqa belshesinen batqanyn aıtty, dep habarlaıdy QazAqparat tilshisi.
«Qarjyny baqylaý organdaryndaǵy jemqorlyq ta jaǵdaıdy qıyndatyp otyr. Sybaılas jemqorlyqqa qarsy qyzmet Іshki memlekettik aýdıt mamandarynyń úrli shaǵymdardy qoldan uıymdastyrǵan faktilerin anyqtady. Sonyń negizinde paıdakúnemdik maqsatpen tekserýler júrgizip oytrǵan», - dedi búgingi sybaılas jemqorlyqqa qarsy is-qımyl jónindegi keńeste Memleket bashysy.
Qasym-Jomart Toqaev bıýdjet qarajatynyń oryndy jumsalýyn qadaǵalaýy tıis mekemeniń ózderi qoldan uıymdastyrǵan shaǵymdardy qaraýdan qoly tımeıtinin synady.
«Byltyr bir ǵana jaýapkershiligi shekteýli seriktestikten osy mazmundaǵy 1600 shaǵym túsken. Onyń 900-i rastaldy. Osyda keıin, árıne, naqty shaǵymdar elenbeı qalady. Sondyqtan Úkimet sybaılas jemqorlyqqa qarsy is-qımyl jáne qarjy monıtorıngi agenttikterimen birlesip, osy saladaǵy memlekettik baqylaý júıesin qosa alǵanda, memleket pen kvazımemlekettik sektordyń satyp alýyn retteý tásilderin túbegeıli ózgertýi kerek», - dedi Prezıdent.
