Toqaev: Qaraǵandy – elimizdegi ýrbanızatsııa deńgeıi eń joǵary oblys

QARAǴANDY. QazAqparat - Qaraǵandy – elimizdegi ýrbanızatsııa deńgeıi eń joǵary oblys. Bul týraly Prezıdent Qasym-Jomart Toqaev Qaraǵandy oblysy jurtshylyǵymen kezdesýinde málim etti, dep habarlaıdy QazAqparat Aqordanyń baspasóz qyzmetine silteme jasap.

«Qaraǵandy – elimizdegi ýrbanızatsııa deńgeıi eń joǵary oblys. Óńir halqynyń 80 paıyzy qalada turady. Mundaǵy óndiristiń edáýir bóligi 5 monoqalanyń enshisinde. Oblys turǵyndarynyń 40 paıyzy osynda qonystanǵan. Qala halqynyń tirshiligi ondaǵy iri kásiporyndarǵa táýeldi ekeni jasyryn emes. Shaǵyn qalalardan halyq kóship jatyr. Bul – ózekti másele», - dedi QR Prezıdenti.

Sonymen qatar Prezıdent e limizde «Qýatty óńirler – el damýynyń draıveri» atty ulttyq joba júzege asyrylyp jatqanyn jetkizdi.

«Ákimdik Úkimetpen birlesip, osy joba aıasynda basqa da shaǵyn qalalarda irgeli bastamalardy qolǵa alýy kerek. Ekonomıkany ártaraptandyrý isinde Balqash ózgelerge úlgi bola alady. Munda iri ónerkásip oryndarymen qatar týrızm salasyn órkendetýge zor múmkindik bar», - dep tolyqtyrdy Memleket basshysy.

Foto:t.me/bort_01