Toqaev Saýd Alı Ál-Tánıdi ІІ dárejeli «Dostyq» ordenimen marapattady
ASTANA. KAZINFORM — Táýelsizdik saraıynda Qasym-Jomart Toqaev Halyqaralyq basketbol federatsııasynyń prezıdenti Saýd Alı Ál-Tánıdi marapattady. Bul týraly Aqorda málim etti.
— Qasym-Jomart Toqaev Qazaqstandaǵy basketboldy damytýǵa úles qosqany úshin Halyqaralyq basketbol federatsııasynyń prezıdenti sheıh Saýd Alı Ál-Tánıdi ІІ dárejeli «Dostyq» ordenimen marapattady, — delingen Aqordanyń habarlamasynda.
Eske sala keteıik, áńgimelesý barysynda Prezıdent FIBA-nyń otandyq basketbolǵa kórsetken qoldaýyn joǵary baǵalap, Saýd Alı Ál-Tánıge Qazaqstan Ulttyq basketbol federatsııasynyń otyrysyna qatysqany úshin rızashylyǵyn bildirdi. Memleket basshysy bıyl otandyq basketbol tarıhyna 100 jyl tolyp otyrǵanyn, osy oraıda, balalar men jastardyń yqylasy aýǵan basketbol tanymal sport túrleriniń qataryna engenin atap ótti.
