Toqaev Gvıneıa Prezıdentimen parlamentaralyq baılanystardy nyǵaıtý máselesin sóz etti
ASTANA. QazAqparat - QR Parlamenti Senatynyń tóraǵasy Qasym-Jomart Toqaev Astanaǵa Islam Yntymaqtastyǵy Uıymynyń Ǵylym men tehnıka salasyndaǵy alǵashqy sammıtine qatysý úshin kelgen Gvıneıa Prezıdenti, Afrıkalyq Odaq basshysy Alfa Kondemen kezdesti, dep habarlaıdy QR Parlamenti Senatynyń baspasóz qyzmeti.
Prezıdent Nursultan Nazarbaevtyń usynysy boıynsha ótken forýmǵa qatysqany úshin Q.Toqaev mártebeli qonaqqa alǵys aıtty. Gvıneıa prezıdenti Elbasynyń ıslam álemin jaqyndastyrýǵa jáne ǵylymı, tehnologııalyq jáne ekonomıkalyq áleýetin nyǵaıtýǵa baǵyttalǵan kúsh-jigerin joǵary baǵalady.
«Bul óte mańyzdy Sammıt, óıtkeni qazir biz atqaryp otyrǵan istiń orny oısyrap turǵan», - dedi A.Konde.
Kezdesý barysynda Afrıkalyq Odaqtyń damý keleshegi jáne Qazaqstannyń osy uıymmen ózara baılanystary talqylandy.
Q.Toqaev Qazaqstan Afrıka qurlyǵyndaǵy memlekettermen dostyq jáne ózara tıimdi qarym-qatynastardy damytýǵa úlken mán beretinin atap ótti.
Senat spıkeri A. Kondediń tóraǵalyǵy kezinde Afrıka elderiniń birligi aıtarlyqtaı nyǵaıyp, Afrıka Odaǵynyń halyqaralyq bedeli óskenin atap ótti.
Kezdesý barysynda Qazaqstan men Gvıneıa arasyndaǵy yntymaqtastyq pen parlamentaralyq baılanystardy nyǵaıtý máseleleri de talqylandy.
