Toqaev Grýzııa Prezıdentimen kezdesýinde eki el arasyndaǵa júk tasymalynyń mańyzdylyǵyn aıtty
Qasym-Jomart Toqaev BUU Bas Assambleıasynyń 74-sessııasy aıasynda Grýzııa Prezıdenti Salome Zýrabıshvılımen de ekijaqty kelissózder júrgizdi.
Memleketter kóshbasshylary ekijaqty kún tártibindegi ózekti máselelerdi talqylap, saýda-ekonomıkalyq, ınvestıtsııalyq, kólik-logıstıkalyq salalarda ózara is-qımyldardy keńeıtý qajettigin atap ótti.
«Qazaqstan Sizdiń elińizben dostyq qarym-qatynasty damytýǵa, saıası dıalogty tereńdetýge jáne ekonomıkalyq yntymaqtastyqty keńeıtýge zor mán beredi» – dedi Qasym-Jomart Toqaev.
Memleket basshysy kólik-logıstıka salasyndaǵy birlesken jumystardyń, sonyń ishinde, qazaqstandyq Aqtaý jáne Quryq porttaryn paıdalaný arqyly eki el arasyndaǵa júk tasymalyn júzege asyrýdyń mańyzdylyǵyn aıtty.
Óz kezeginde, Salome Zýrabıshvılı Grýzııanyń ınvestıtsııalyq jáne kólik-logıstıkalyq jobalaryna Qazaqstan kapıtalynyń belsendi qatysyp otyrǵany úshin Qasym-Jomart Toqaevqa alǵys bildirdi.
