Toqaev Germanııa birligi kúnine oraı quttyqtaý jedelhatyn joldady
ASTANA. KAZINFORM — Qasym-Jomart Toqaev Federaldyq Prezıdent Frank-Valter Shtaınmaıerdi jáne Federaldyq Kantsler Frıdrıh Mertsti ulttyq mereke — Germanııa birligi kúnimen quttyqtady.
Aqordanyń baspasóz qyzmetiniń habarlaýynsha, Memleket basshysy bul Germanııanyń tabandy ári jasampaz kúsh-qýatyn, órkendeý jolyndaǵy nyq qadamyn tanytatyn aıtýly kún ekenin atap ótti.
Sondaı-aq Prezıdent jýyrda Germanııaǵa jasaǵan resmı saparynda jyly qarsy alyp, qonaqjaılyq tanytqany úshin shynaıy rızashylyq bildirip, mazmundy ótken kelissózderdi joǵary baǵalady.
— Memleket basshysy Berlınde qol jetkizilgen ýaǵdalastyqtar qazaq-german strategııalyq seriktestigin keńeıtýge jáne basym salalarda birlesken jobalardy iske asyrýǵa jol ashatynyn aıtty, — delingen habarlamada.
Qasym-Jomart Toqaev Frank-Valter Shtaınmaıer men Frıdrıh Mertstiń jaýapty memlekettik qyzmetine tabys, al dostas Germanııa halqyna baq-bereke tiledi.
Eske salaıyq, buǵan deıin Qasym-Jomart Toqaev Koreıa Respýblıkasynyń Ulttyq kúnine oraı Prezıdent Lı Chje Meńge quttyqtaý jedelhatyn joldaǵanyn habarlaǵanbyz.
