Toqaev: Frantsııa – Qazaqstannyń Eýropadaǵy óte mańyzdy seriktesi

Memleket basshysy Qasym-Jomart Toqaev Aqordadaǵy Frantsııa prezıdenti Emmanıýel Makronmen keńeıtilgen quramdaǵy kezdesýinde ekijaqty baılanystardyń basym baǵyttaryn atady, dep habarlaıdy Kazinform agenttigi. 

«Búgingi kezdeý eki el arasyndaǵy túrli salalardaǵy yntymaqtastyqty jańa beleske kóteredi. Men buǵan kámil senemin. Frantsııa – Qazaqstannyń Eýropadaǵy óte mańyzdy ári senimdi seriktesi. Byltyr ózara taýar aınalymy 30 paıyzǵa ósip, 4 mlrd dollarǵa jetti. Bıyl segiz aı ishinde ekijaqty saýda-sattyq kólemi byltyrǵymen salystyrǵanda 21 paıyzǵa artty. ıAǵnı, 2,7 mlrd dollarǵa jetti», - dedi Qazaqstan basshysy.

Qasym-Jomart Toqaev Frantsııa osyǵan deıin Qazaqstanǵa 18,7 mlrd dollarǵa jýyq ınvestıtsııa salǵanyn atap ótti.

«Birlesken jobalar energetıka, beıbit atom, taý-ken-hımııa ónerkásibi, mashınajasaý, qurylys zattaryn óndirý, aeroǵarysh, farmatsevtıka jáne basqa da salalardy qamtıdy. Budan bólek taǵy birqatar mańyzdy jobalar qolǵa alynbaq. Bul jobalar búgin ótetin qazaq-frantsýz bıznes forýmynda jan-jaqty talqylanady», - dedi Qazaqstan Prezıdenti. 

Sondaı-aq, Memleket basshysy eki eldiń mádenı-gýmanıtarlyq baılanystary jandana túskenin eske saldy.

«Makron myrza, osynyń bári sizdiń jeke qoldaýyńyzdyń arqasynda júzege asyp jatyr. Men sizdiń ózara qarym-qatynasty damytýǵa qosyp otyrǵan ólsheýsiz úlesińizdi joǵary baǵalaımyn. Sondaı-aq, eki eldiń yntymaqtastyǵyn jańa beleske kóterý úshin bar kúsh-jigerimdi salyp, ózińizben birge jumys isteýge daıyn ekenimdi taǵy da atap ótkim keledi», - dedi Q.Toqaev.

Aıta ketsek, Frantsııa Prezıdenti Emmanıýel Makron resmı saparmen Qazaqstanǵa keldi.

Qasym-Jomart Toqaev Aqordada Frantsııa Prezıdenti Emmanıýel Makrondy qarsy aldy.

Qazaqstan men Frantsııa prezıdentteri shaǵyn quramda kelissóz júrgizdi.

Makron bul sapar ekijaqty seriktestik úshin mańyzdy jylmen tuspa-tus kelip otyrǵanyn aıtty. 

Memleket basshylarynyń kezdesýinen keıingi qos eldiń qarym-qatynasy qaı baǵytta damýy múmkin?