Toqaev Fıdel Kastromen kezdesýin eske aldy
ASTANA. QazAqparat - QR Parlamenti Senatynyń Tóraǵasy Qasym-Jomart Toqaev Fıdel Kastromen kezdesýin eske aldy, dep habarlaıdy QazAqparat.
"Kýba tóńkerisiniń lıderi Fıdel Kastro ómirden ozdy. Men onymen 1995 jyly Gavanada kezdesken edim. Ol saýaldarǵa jaýap bere kele, qazymyrlyq tanytqan bolatyn, - dep jazdy Senat spıkeri óziniń Twitter-degi paraqshasyna.
Aıta keter bolsaq, búgin Kýba revolıýtsııasynyń kóshbasshysy Fıdel Kastro 90 jasynda ómirden ozdy.
Fıdel - kýbalyq revolıýtsıoner, memlekettik jáne saıası qaıratker. 1926 jyly 13 tamyzda dúnıege kelgen. 1976 jyldyń jeltoqsan aıynan bastap, 30 jyl boıy Kýba Memlekettik keńesi men Mınıstrler keńesiniń tóraǵasy boldy. Sonymen birge, F.Kastro Revolıýtsııalyq qarýly kúshterdiń bas qolbasshysy jáne Ulttyq qorǵanys keńesiniń tóraǵasy qyzmetin atqarǵan. Al 2006 jyly 31 shildede densaýlyǵynyń syr berýine baılanysty óz mindetin Memlekettik keńes pen Mınıstrler keńesiniń basshysy qyzmetin óz inisi Raýl Kastroǵa tapsyrǵan bolatyn.
