Prezıdent Qazaqstanda eston skrıpkashysynyń kontsertin ótkizý týraly usynysty qoldady

ASTANA. KAZINFORM — Qazaqstanda Estonııanyń tanymal sýrıpkashysy Hans Krıstıan Aavıktiń kontserti uıymdastyrylady. Bul týraly Aqordada elimizge memlekettik saparmen kelgen Estonııa Prezıdenti Alar Karıspen keńeıtilgen quramdaǵy kelissóz barysynda Memleket basshysy Qasym-Jomart Toqaev aıtty.

- Mádenı-gýmanıtarlyq baılanystardy tereńdete otyryp, biz dostyǵymyzdy odan ári nyǵaıta alamyz. Belgili eston skrıpkashysy Hans Krıstıan Aavıktiń kontsertin uıymdastyrý bastamańyzdy quptaımyn. Sondaı-aq ulttyq mýzeıimizde ótetin «Hand in Glove» atty kórmeni jáne ulttyq akademııalyq kitaphanada eston ádebıeti buryshynyń ashylýyn asyǵa kútemiz, - dedi Prezıdent.

Memleket basshysy bilim men ǵylym salasyndaǵy yntymaqtastyqtyń da keleshegi zor ekenin aıtty.

- Qazaqstandyq birqatar stýdent sizderdiń jetekshi joǵary oqý oryndaryńyzda kópjaqty deńgeıde bilim alyp jatyr, - dedi Qasym-Jomart Toqaev.

Aıta keteıik, Qasym-Jomart Toqaev Estonııa Prezıdentin Aqordada qarsy aldy.

Qazaqstan men Estonııa prezıdentteri kelissóz júrgizdi.

Qazaqstan Estonııany Baltyq óńirindegi mańyzdy áriptes retinde qarastyrady.