Toqaev Erlan Qoshanovqa alǵys aıtyp, AMANAT-tyń «Ádiletke» qosylýyn tarıhı sheshim dep baǵalady
ASTANA. KAZINFORM — Prezıdent Qasym-Jomart Toqaev AMANAT partııasynyń burynǵy tóraǵasy Erlan Qoshanovqa atalǵan laýazymdaǵy abyroıly, nátıjeli ári elge paıdaly eńbegi úshin alǵys aıtty. Bul týraly Prezıdenttiń keńesshisi — Baspasóz hatshysy Aıbek Smadııarov jazdy.
Sonymen qatar ol partııa músheleriniń jýyrda ótken sezde jańadan qurylǵan «Ádilet» partııasyna qosylý jóninde qabyldaǵan tarıhı sheshimderine rızashylyǵyn bildirdi.
— Prezıdent elimizdi jańǵyrtý, zań ústemdigi men qoǵamdyq tártipke negizdelgen Ádiletti Qazaqstandy qurý isine AMANAT partııasynyń eleýli úles qosqanyn atap ótti. Memleket basshysy otanshyl partııa músheleriniń «Ádilet» partııasynyń qatarynda da el ıgiligi jolyndaǵy belsendi ári jemisti qyzmetin abyroımen jalǵastyra beretinine senim bildirdi, — delingen habarlamada.
Aıta keteıik, búgin Eelordada «Ádilet» partııasynyń II Sezi ótti.
