Toqaev erkin ekonomıkalyq aımaqtardyń tıimsizdigin synǵa aldy

NUR-SULTAN. QazAqparat –QR Prezıdenti Qasym-Jomart Toqaev Úkimettiń keńeıtilgen otyrysynda erkin ekonomıkalyq aımaqtardyń tıimsizdigin synǵa aldy, dep habarlaıdy QazAqparat tilshisi.

«Ekonomıkanyń órkendetý úshin qosymsha qarajat qarastyrý kerek. Men bıýdjettiń kiris bóligin arttyrý maqsatynda birqatar mindet júktedim. Eń aldymen bıýdjettegi tıimsiz ári shyǵyny kóp jobalardy anyqtap, odan túbegeıli bas tartý qajet. Erkin ekonomıkalyq aımaqtardyń kópshiligi ınvestıtsııa ákelý isinde tıimdi bol almady dep birneshe ret aıtqanmyn.

Al olarǵa shamamen jarty trıllıon teńgedeı bolatyn aýqymdy salyqtyq yntalandyrý sharalary berildi», -degen prezıdent sol qoldaýlardyń qaıtarymy bolmaǵanyn synady.

«Nátıjesinde ne aldyq? Keıingi úsh jylda atalǵan erkin ekonomıkalyq aımaqtarda óndirilgen taýarlardyń kólemi jalpy ishki ónimniń 1,5 paıyzynan da aspaıdy. Al olardyń eksporttyq úlesi tipten jalpy el eksportynyń 0,1 paıyzyna ǵana teń. Osy máseleni retteıtin kez keldi. Jańadan taǵaıyndalǵan ındýstrııa mınıstri bul tútıkildiń sheshimin tabady dep oılaımyn. Erkin ekonomıkalyq odaqtardyń basshylyǵy paıdaly ári tıimdi jobalardy júzege asyrýǵa qulyqty emes. Olardyń ákimshilikterin tártipke shaqyryńyzdar. Úkimetke bir aı ýaqyt beremin. Zańǵa ózgeris engizýden bastap qajetti sharanyń bárin qabyldańyzdar. Іshten jáne syrttan ınvestor tartyńyzdar», -dedi Qasym-Jomart Toqaev.